Шорык
Тиде жапыште тыланда чулым лийман, тыгодым тӱткыш нерген мондыман огыл. Арнян икымше пелыштыже ала-могай нелылык вашлиялтмылан кӧра южо йодышым варарак рашемдаш темлалтеш. Оксада ешаралтеш.
Презе
Нине кечылаште ятыр сай уверым пален налыда. Кеч-могай сомылым тӱҥалыда гынат, чылажат ворана. Пашаштыда ала-могай ойыртемалтше темлымашым ыштат. Ешда кугемеш. Тидыже аза шочмо дене але у еҥ толмо дене кылдалтеш.
Йыгыр
Тиде арнян вес еҥ-влаклан келшаш тӧчаш тӱҥалыда гын, тыршымыда арам лиеш. У еҥ-шамыч дене кылым ышташ шонымашат сайыш огеш шукто. Лучо улшо палымыда, йолташда-влак дене кылым утларак пеҥгыдемдыза, шижтарат шӱдыр-влак.
Рак
Тыланда кызыт паша дене кылдалтше ала-мо уым темлат, но лучо кӧнаш огыл. Молан манаш гын тудым те ыштен огыда шуко да жапдам веле арам йомдареда. У еҥ дене палыме лийын кертыда. Нунын деч кӱлешан ятыр уверым колыда.
Лев
Тиде арнян ик верыште шинчен огыда керт, вет чонда эре ала-кушко ӱжаш тӱҥалеш. Тудын ваштареш ида кай, кӧныза. Мутлан, иктаж-кушко миен толза. Тыге сайын каналташ йӧнда лиеш. Тыгодым ыштен шуктыдымо пашам мучашлаш темлалтеш.
Ӱдыр
Кызыт лишыл еҥда-влакын тазалыкыштлан кугу тӱткышым ойырыман. Полыш кидым шуялташат тореш ида лий. Пашаште уто «нелытым» шке ӱмбаке налман огыл. Коллегыда-влак тидым кӱлеш семын огыт акле. Шукырак жапым лучо шканда ойырыза.
Виса
Вий-куатда, усталык шӱлышда ташлыше лиеш. Тиде амал дене кызыт мом ыштымыда шуэш, чылажымат илышыш пуртен кертыда. Тыгак оҥай еҥ дене вашлиймаш-влак вучат. Шкем ласкан кучыман, уто койышым кояш тыршыман огыл.
Скорпион
Нине кечылаште шӱдыр-влак тыланда родо-влак деке миен толаш, нунылан шукырак жапым ойыраш кӱлмӧ нерген ойлат. Вий-куатда кугу лиеш. Тидыже кеч-могай неле йодышымат куштылгын рашемдаш полша. Тазалыкым эскерыман.
Пикшызе
Але марте ала-могай шонымашдам илышышке нигузе шыҥдарен кертын огыдал гын, ты арнян тидым куштылгын ыштеда. Чылажат ӱй ден мӱй гай эрта. Тыланда удам шонышо еҥ-влак деч кораҥаш тыршыза. Тыге шкендам кумыл волымо деч арален кодеда.
Ирказа
Тиде арнян кугу чолгалыкым ончыкташ тыршыман огыл, а, мӧҥгешла, шканда йогыланашат эрыкым пуыза. Сайын каналтыза. Нине кечылаште у шӱмбелымат вашлийын кертыда. Лишыл еҥда але паша дене кылдалтше сай уверым пален налыда.
Вӱд йоктарыше
Шӱдыр-влак кызыт тыланда шукырак жапым шканда ойыраш да тӱжвал сынышкыда вашталтышым пуртышашлан ойыраш кӱлмӧ нерген шижтарат. Тиде ончыкыжым пашаште кугурак кӱкшытыш шуаш тыршыме годым кӱлеш лийын кертеш.
Кол
Мом шонеда, кызыт тыланда чылажымат ышташ лиеш, ойлат шӱдыр-влак. Илаш ида лӱд! Мом ыштен моштымыдам весе-влаклан ончыкташ ида аптыране. Кеч-могай неле йодышым куштылгын рашемдеда. Чонланда келшыше еҥ дене вашлиймашыш миен толза.
Ӱпым пӱчкаш тарваненда гын
7 октябрь. Ӱпым пӱчкыда гын, илышыштыда тӱрлӧ уда деч утледа, тазалыкда пеҥгыдемеш. Ӱпым чиялташ огеш темлалт, молан манаш гын пашаштыда тума тарванен кертеш.
8 октябрь. Тиде кечын ӱпым пӱчкыда але чиялтеда гын, пашаште да тазалык шотышто нелылык лекме лӱдыкшӧ уло.
9 октябрь. Таче, мӧҥгешла, ӱпым пӱчкыда але чиялтеда гынат, тазалыкда пеҥгыдемеш, илышда кужемеш.
10 октябрь. Ӱпым пӱчкашат, чиялташат огеш темлалт, уке гын иктаж-могай чер тургыжландараш тӱҥал кертеш.
11 октябрь. Тазалыкда ынже лунчырго манын шонеда гын, ӱпым ида пӱч. Ӱпым хна дене чиялтеда гын, иммунитетда пеҥгыдырак лиеш, пашаште чапда кушкеш.
12 октябрь. Таче ӱпым чиялтыме интуцийым да уш-акылым пӱсемдаш полша. Ӱпым кӱреналге-йошкар але шӧртнялге тӱсыш чиялтеда гын, шийвундыда ешаралтеш.
13 октябрь. Тиде кечын ӱпым пӱчмӧ деч вара илышыштыда иктаж ойго лийын кертеш. Ӱпым пӱртӱс чия дене чиялтеда гын, чапда кушкеш.
Любовь Камалетдинова
