Туризм
Марий Эл «2026 ийын маршрутшо» всероссийский турист премийлан конкурсышто икмыняр номинацийыште сеҥышыш лектын.
Юринысе Шереметев замок «Маршрутын эн сай шонымашыже» да «Оласе эн сай экскурсий» номинацийлаште Гран-при дене палемдалтын.
Тидын дене пырля мемнан-влакын – эше вич приз. «Край звонких гуслей» маршрут «Эн сай этнографий маршрурт» номинацийыште икымше верыш лектын. Кокымшо ден кумшо вер дене Йошкар-Олаште троллейбус дене экскурсийыш коштыктымо (2), инклюзивный маршрут-влак палемдалтыныт. Тыгак кумшо верым Россий калык-влакын икоян улмо идалыклан пӧлеклалтше маршрут дене Козьмодемьянскысе тоштер-комплекс сеҥен.
Светлана Носова.
Снимкыште: Шереметев замокын енже-влак премийым налме годым.
Шереметев замокын воткыл лаштыкше гыч налме фото.
