29 июньлан – 5 июльлан гороскоп
Шорык
Тиде арняште таза илыш-йӱлам кучаш тыршыза. Эн ончычак мом кочмыдам шекланыза. Пелашда, йӧратыме еҥда тендан деке йӱкшен кертеш, садлан тудлан тӱткышым утларак ойырыза.
Презе
Ты пагыт у шинчымашым налаш келшен толеш, мутлан, йот йылме-влакым тунемын кертыда. Чыла тӱҥалме пашада ушна. Шӱмбелым кычалше-влаклан ты арня куаным конда.
Йыгыр
Сымыктыш але тӱвыра пашам ыштыше-шамычлан нине шым кече ойыртемалтше лиеш. Йӧратыме еҥда тыланда ешым чумыраш темлен кертеш. Шуко ида шонкале, писынрак келшыза.
Рак
Чонышкыда ласкалык пурыжо манын, пӧртдам эрыктыза, кӱлдымӧ арверым луктын кудалтыза. Тиде илыш гыч удам кораҥдаш полша. Пелашдан але келшыме еҥдан ешыж дене умылыдымаш лектын кертеш, шекланыза.
Лев
Тиде арня уш-акыл дене кылдалтше пашам ышташ йӧнан. Тендам сеҥымаш вуча. Йӧратымаш пашаштат чыла ушнен толеш. Шӱмбелда дене лыжган кутырыза, тудын ӱмбак чыла сомылым ида сакалте, чыла пырля ыштыза.
Ӱдыр
Шукертак шонен коштмо шонымашда шукталтеш, тидлан лач нерен шинчыман огыл. Пашаште тӱҥалме сомылын кугурак ужашыже ышталтеш. Мужыр пелашым вашлийын кертыда.
Виса
Капкылым пеҥгыдемдаш келшен толшо пагыт. Тиде арнян шукертак уждымо палымыдам вашлийыда. Тудо илышышкыда вашталтышым пуртен кертеш. Тыгодым ты вашталтыш шукыжым тендан дене гына кылдалтеш.
Скорпион
Ыштен пытарыдыме сомылдам мучашлаш тыршыза. Пелашда але шӱмбелда дене умылыдымаш лектын кертеш, кылым кӱрлаш ида вашке. Ойырлен кайыме удам гына конда.
Пикшызе
Лишыл жапыште ончыкылан нимом ида шоно, тачысе кече дене илыза. Мужедше але мастар еҥ-влак деке миен толмо эҥгекым ышта. Паша верыштат чылаже ок воране, сандене йӧн лийме семын утларак каныза але отпускыш кайыза.
Ирказа
Кӧргӧ чон шижмашдам колыштса. Тиде ятыр нелылык деч утлаш полша. Пелаш, йӧратыме еҥ дене тума тарванен кертеш. Чылажымат вискален ыштыза, шӱмбелдам ида шӱкал, чон почын мутланыза.
Вӱд йоктарыше
Нине кечылаште ялыш, кугу ола деч торашкырак, пӱртӱсыш кайыза. Йӧратыме еҥ дене шыма гына лийза, торжа мут йӱкшыктарен кертеш. Тудым ида шылтале, каналташ, йогыланен кияш жапым пуыза.
Кол
Суртышто кӱлдымӧ арвер-влакым луктын шуыза. Тыгодым чылаж деч утлаш ида тырше. Поро шарнымашым аралыше настам вучыдымын луктын кудалтен кертыда. Йӧратыме еҥлан ала-могай пашаште полшаш перна. Пырля ыштыме сомыл тендам утларак лишемда.
Ӱпым пӱчкаш тарваненда гын
29 июнь. Таче тӱредаш, чиялташ келшен толшо кече. Ӱп вож пеҥгыдемеш, тӱс кужу жап кучалташ тӱҥалеш.
30 июнь. Тӱредаш сай кече огыл. А теве шемалгырак тӱсыш чиялташ, пӱртӱс чия дене куштылго тонированийым ышташ лачеш толеш. Тиде ӱпдам пеҥгыдемда.
1 июль. Тиде кечын ӱпым тӱредаш, чиялташ темлалтеш. Тыге ӱп вож пеҥгыдемеш, писынрак кушкеш. Пӱчмеке, шкендам тыматлынрак да чыла ыштен кертшылан шижыда.
2 июль. Ӱпым тӱредаш але причёскым вашталташ келшен толеш. Тиде илышдам вашталтен, йӧршын у йогын дене наҥгаен, шукертак шонен коштмыдам илышыш шыҥдараш полшен кертеш.
3 июль. Тиде жапыште ӱпым пӱчкыда гын, тазалыкда пеҥгыдемеш. Тыгодым ӱп эркынрак кушкаш тӱҥалеш, тидыже причёско формым кужу жаплан арален кодаш йӧным ышта.
4 июль. Таче ӱпым лучо пӱчкаш огыл, молан манаш гын ты причёско ойыртемалтше, тыланда келшыдыме лиеш. Тылеч посна тазалыкдат лунчырген кертеш.
5 июль. Ты кечын ӱп тӱредме тудым писынрак кушкаш тарата, а теве кудырташ да чиялташ огеш темлалт. Ӱпым пӱчмеке, кумылда нӧлталтше лиеш.
Лидия ШАБДАРОВА ямдылен.
