Ушкалым лӱштышӧ-влак погынат
6 мартыште Параньга тӱвыра пӧртыш республикысе ялозанлык предприятийла гыч ушкалым машина дене лӱштышӧ эн сай оператор-влак слётыш погынат.
Муниципал район администрацийын ялозанлык да кочкыш сату отделжын вуйлатышыже Ильзира Салимован ойлымыж семын, мероприятий годым доярке-влак шке опытышт дене палдарат, оператор-влакын шинчымашыштым нӧлтымӧ шот дене специалист-шамыч эн ончыл технологий нерген каласкалат. Республикысе эн сай лектышыш шушо оператор-влакым Чап грамот, пӧлек дене куандарат, концерт программе кажнын кумылжым нӧлталшаш.
Вячеслав Смоленцевын фотожо.
