12 февраль гыч Оршанке район администраций вуйлатышын сомылжым Ленар Балтаев шукташ тӱҥалеш.
Тудо банк сферыште, верысе самоуправлений органлаште, кугыжаныш кучемыште шуко ий пашам ыштен. 2017 ий гыч 2025 ий марте Ленар Балтаев Медведево район администраций вуйлатышын алмаштышыже лийын, 2025 ийыште Чувашийысе ялозанлык министрын алмаштышыжлан шогалтеныт.
Шукерте огыл тудо кугыжаныш да муниципальный управлений сферыште опытшым кучылтын, Марий Элыш пашам ышташ пӧртылын.
