Конкурс
Йӧн ышталтеш, полыш пуалтеш
Марий Эл Республикын Йӧнозанлык, экономикым вияҥдымаш да сатулымаш министерствыже «Шкенаным пале» («Знай наших») конкурс» федерал увер кампаний тӱҥалме нерген увертара.
Россий брендлам вияҥдышашлан йӧным ышташ манын, тудым У проектлам шӱкымӧ шотышто ончыкылыкан тӱҥалтыш агентстве ден Росконгресс фонд эртарат, тушкак РФ ВЭБ ушнен.
Палашда увертарена: конкурсыш ӱшанлын вияҥ толшо изи да кокла кугытан бизнесын представительже-влак ӱжалтыт. Йодмаш знайнаших.аси.рф сайтыш 15 май марте вич тӱҥ номинаций («Кочкыш продукт», «Потребитель сату», «Кӱкшӧ технологий», «Креатив», «Увер технологий») да посна специальный номинаций («Изи ола-влакын брендышт», «Тӱвыра код», «Историй дене кылдалтше регион-влакын брендышт», «Кавказысе бренд-влак», «Ачамландым аралыше-влаклан йӧнан илыш», «Самырык-влакын брендышт» номинацийла) почеш налалтеш. Верысе брендлам чолган шӱкышӧ регион-влакат палемдалтыт.
Сеҥыше-влаклан бизнесыштым вияҥдымаште тӱрлӧ йӧн ышталтеш але полыш пуалтеш.
Юрий Исаков ямдылен.
