8 июль – Еш, йӧратымаш да икте-весылан ӱшанле улмо кече. Тиде пайрем элыштына 2008 ий гыч палемдалтеш. Тудым шнуй Петр ден Феврониям шарнен эртараш тӱҥалме.
Ты пайрем тений кумдан эрта. Тудлан пӧлеклалтше мероприятий-влак 5 июль гычак лийыт. Тыге пайрем 4 кече шуйна. Тиде жапыште кумылан-влак тӱрлӧ программыш, акцийыш, мастарлык-классыш, модмашке, тыгак ырес дене эртымашке ушнен кертыт.
8 июльышто пайрем Йошкар-Олаште Патриарший площадьыште 14 шагатлан тӱҥалеш. Туштак 15 шагатат 15 минутлан пайрем концерт лиеш. 16 шагатлан ойыртемалтше еш-влакым саламлат. Спортлан шӱман-влак ты пайремлан пӧлеклалтше беговелогонкышто шке вийыштым терген кертыт. Таҥасымаш-влак 15 шагатлан тӱҥалыт. Кастене 18 шагатлан «Время пришло» кавер-группын концертше лиеш.
Любовь Камалетдинова
