Православийым кучышо чыла еҥым Русьым тынеш пуртымо кече дене саламлем!
Ты кечын, 1035 ий ончыч, святой князь Владимир Акрет руш кугыжанышым христиан вераш савырымылан негызым пыштен. Тиде элналан вияҥаш вес корным ойырен налаш полшен: христиан вера дене тӱвырана, возыктышна, шинчымашна вес семын вияҥаш тӱҥалыныт.
Православий уло Российлан вес семын вияҥш йӧным почын. Тудо тӱрлӧ калык-влакым ушаш, кӱлеш годым эҥгек гыч лекташ полша, шке шочмо элым йӧраташ да чон кӧргӧ поянлыкнам арален кодаш кумылаҥда.
Марий кундемыште православий XVI курымын пелыж гыч вияҥаш тӱҥалын. Тудо эртыкнам вес веке савыралын, сотемдарыме пашалан негызым пыштен. Икымше просветитель-влак коклаште тынеш пурышо марий-влак лийыныт, лач нуно марий возыктштлан негызым пыштеныт, лач нуно шочмо йылме дене лудаш да икшыве-влакым туныкташ букварь-влакым шочыктеныт.
Тиде кечын чыланыштлан тазалыкым, поянлыкым, порылыкым, Юмын полышыжым да лишыл еҥ-влакын эҥертышыжым тыланем!
Пайрем дене!
Кумло ий теммылан пӧлеклалтын
Я.Эшпай лӱмеш марий кугыжаныш филармонийыште Йошкар-Ола да Марий епархийым ыштымылан 30 ий темме лӱмеш торжественный мероприятий эртен.
Тушто Марий Элым вуйлатыше Юрий Зайцев лийын. Владыка Иоанн тудым «Марий Элыште православийын эртыме корныжо» экспозиций да «1993 ий 25 июль» фотоончер дене палдарен, тудлан Йошкар-Ола да Марий епархийын черке илышыжым ворандарымылан Марий епископ Леонидын икымше степенян медальжым кучыктен.
«Таче ме епархийын 30 ияш летописьшым лаштыклышыла, Юмыаван полшымыж семын верысе кучем вуйлатыше-влакын полшымышт дене юмылан ӱшаныше-влак пеҥгыде эҥертышым шижына. Могай черке-шамычым нӧлтенна – тиде мемнан кугыжанышна верч тыршыше-влакын кумылышт. Тек тиде кече Эн святой Ава ден Русь верч тыршыме нерген шонымаш семын кодеш. Таче мый Юрий Викторовичлан тауыштынем. Республикысе калыкнан чон поянлыкшым пойдарымаште тудын деч ончыч лийше вуйлатыше-влакын тӱҥалме пашаштым сайын шукта», – палемден Владыка Иоанн.
Регион вуйлатыше тудын пашажым тыге кӱкшын аклымылан тауштен да каласен: «Мо лийын – тиде тӱшка калыкын пашаже, нуно мемнан господь Иисус Христослан, тудым йӧратыше эллан – Российлан – чоныштым пуат, вийыштым пыштат.
«Кажне еҥ шке чонжым Иисус Христос лӱмеш пуаш ямде. Президентна Владимир Путинын ойлымыж семын, «Кӧ таче элнам виктара» манын йодмылан «Юмо элнам виктара» манын вашештымыжым моткоч чынлан шотлем. Тендан кокла гыч кажныжлан кугыжаныш лӱм дене вел огыл тауштыман. Те еҥ-шамычын чоныштым лыпландареда, илыш умылымашым пуаш тыршеда. Элнан неле жапыштыже священник-влак тудым аралыше икымше радамыште эре лийыныт. Тачат тыгак, кугыжанышнам аралыше-влаклан полшен шогымыланда Юмо тендамат аралыже!» – каласен Юрий Зайцев.
Марий Эл вуйлатыше владыкам, архиерей ден юмылан ӱшаныше чыла еҥ-шамычым Йошкар-Ола да Марий епархийын 30 ияш лӱмгечыж дене саламлен, киотым пӧлеклен да православный черкын образовательный да социальный илышыште надыржым палемден.
Юрий Зайцев тачысе илышыште калык-влак кокласе кылым пеҥгыдемдымаште черкын надыржым палемден да награде-влакым кучыктен. Тауштымашан серышым ты кечын регион вуйлатышын кидше гыч Йошкар-Ола да Марий митрополит Иоанн, Чап грамотым Серафим Саровский лӱмеш храмын настоятельже протоиерей Александр, Советский посёлкысо храмын настоятельже протоирей Николай, республик вуйлатышын Тауштымашыжым Курыкмарий районысо Владимирский селасе черкын настоятельже иерей Алексий, Йошкар-Оласе Чыла ойгырышо-влакын куаныштлан пӧлеклалтше черкын настоятельже иерей Алексий да Христосын шочмыжлан Йошкар-Оласе черкыжын настоятельже, клирик иерей Никита налыныт.
Марий Эл вуйлатышын администрцийжын информаций паша пӧлкажын уверже негызеш С.Носова ямдылен
