23-24 июньышто Чуваш Республикын кечыжым пайремлыме жапыште «Родники России» лӱман калык усталык фестиваль лийын. Тений тудо 25-ше гана эртен. Тушко Российын 26 регионжо гыч усталык коллектив-влак да Китайысе Сычжоу опер театр ушненыт.
Тиде фестивальыште Марий Элын чапшым кок ий почела Республикысе калык усталык рӱдер пеленсе Россий калык усталыкын сулло коллективше, мурышо да куштышо «Эрвел марий» ансамбль арален.
А.Байкова.
