Шорык
Тиде арня тӱрлӧ событийлан поян лиеш. Варалан кодымо пашам ыштен шукташ логалеш. Нелылыкым шижыда гын, йолташда ден палымыда-шамыч деч полышым йодаш ида аптыране. Каныш кечылаште у еҥ-влак дене палыме лийын кертыда.
Презе
Мом ышташ шукертсек шоненда, но жапым муын огыдал, кызыт шукташда логалеш. Воктекыда уда шонымашан еҥ-шамыч лишем кертыт, сандене шекланыза. Йолташ-влак дене вашлияш келшыше жап. Палыме лийме у еҥ ончыкыжым илышыштыда чот полша.
Йыгыр
Тиде арнян тендан деч шукын полышым але пайдале каҥашым йодыт. Тореш ида лий. Нине кечылаште эн кугу шонымашда-влак шукталт кертыт, оксада ешаралтеш. Могай пашам ышташ тарванеда, чылажат кӱлеш семын ворана.
Рак
Кеч-мом ышташ тарваныме деч ончыч сайын шоналтыман. Интуицийым колышташ уто огыл. Ешыште вашкыл куандарыше лиеш. Карьер тошкалтыш дене кӱзен кертыда. Иктаж-мом уым ышташ темлат гын, ида торешлане. Тиде оксадам ешараш полшен кертеш.
Лев
Ты арняште у еҥ-влак дене палыме лийыда. Нуно ончыкыжым шийвундыдам ешараш полшат, очыни. Пашаште чыла сомылда ушна. Каныш кечылаште ондак тӱҥалме пашам мучаш марте шукташ темлалтеш. Шканат жапым ойыраш мондыман огыл.
Ӱдыр
Кызыт шӱдыр-влак вашкаш огыт темле. Чылажымат сайын шонен ыштыман. Кок тул коклаште лийын кертыда, сандене шкем тыматлын кучаш тыршыза. Весе-шамычын мутыштым утыжым колышташ, нунылан йӧраш пешже ида тырше, шке ушда дене шонаш тунемза.
Виса
Пытартыш жапыште молгунамсе деч шуко мутланаш тӱҥалмыдалан кӧра пашада эркышнен кертеш. Тыгай койышым лучо йолташ-шамыч коклаште улмо годым койза. У еҥ дене палыме лиймаш ончыкыжым илышышкыда шуко нелылыкым конда, векат.
Скорпион
Але марте иктаж-кӧ дене сыренда улмаш гын, кызыт сӧрасен кертыда. Но тидлан икымше ошкылым шканда ыштыман. Арнян кокымшо пелыштыже кокытеланымашым лукшо мероприятийлашке ушнаш огеш темлалт, уке гын оксадам йомдарен кертыда.
Пикшызе
Тиде арнян утыждене чот пашам ышташ огеш темлалт. Лучо сайын каналтыза. Шуматкечым да рушарням ешыште лишыл еҥ-влак коклаште эртареда гын, шканда кугу пайдам ыштеда. Окса чӱдылыкым шижыда гынат, еҥ-влак деч ида аре.
Ирказа
Нине кечылаште личный илышда дене кылдалтше йодыш-влакым рашемдаш темлалтеш. Тыге веле йӧратыме еҥда дене икте-весе коклаште кыл уэш саемеш. Каныш кечылаште куандарыше ала-могай уверым пален налыда. У еҥ дене палыме лияш келшыше жап огыл.
Вӱд йоктарыше
Шӱдыр-влак шке интуицийым колышташ кӱлмӧ нерген ойлат. Арнян кокымшо пелыштыже вучыдымо роскотыш пураш логалеш. Ешартыш шийвундым ыштен налме йӧным кычал кертыда, но кокытеланымашым лукшо пашашке ушнымо деч шекланыман.
Кол
Пашаште сай велыш вашталтыш лийын кертеш. Оксада ешаралтеш. Ала-могай «кугу еҥ» дене палыме лийыда. Ончыкыжым тудо шонымашдам илышыш пурташ полша. Кыртмен пашам ыштымеке, сайын каналтыза, шкем иктаж-мо дене куандарыза.
Ӱпым пӱчкаш тарваненда гын
27 май. Тиде кечын ӱпым пӱчмӧ илышым кужемдаш полша. Ӱп тӱсым натуральный чия дене вашталтеда гын, пашаште кугу кӱкшытыш шуыда.
28 май. Таче ӱпым пӱчкыда але чиялтеда гынат, мом кузе ыштыме тыланда огеш келше.
29 май. Ӱпым пӱчмӧ деч вара эшеат моторракын кояш тӱҥалыда, шийвундыда ешаралтеш. Ӱпым ошалге да шӧртнялге тӱсыш гына чиялташ темлалтеш.
30 май. Ӱпым пӱчкыда гын, ончыкыжым ала-могай кугу сатум налыда. Тыгодым уто нелытым погымо лӱдыкшӧ уло. Ӱпым натуральный гай койшо тӱсыш гына чиялтыман.
31 май. Тиде кечын ӱпым пӱчкыда але чиялтеда гын, илышыштыда иктаж-мо уда лийын кертеш.
1 июнь. Ӱпым пӱчкыда гын, тазалыкда тургыжландараш тӱҥал кертеш. Ӱпым натуральный гай койшо тӱсыш чиялтыме пашаште кугу кӱкшытыш шуаш полша.
2 июнь. Таче ӱпым пӱчмылан кӧра тазалыкда лунчырген кертеш. Ӱпым чиялтеда гын, иктаж-кӧ дене вурседылаш тӱҥалыда.
Л.Камалетдинова
Авторын фотожо
