Пагалыме йолташ-влак!

Йошкар-Оласе Шернур землячестве ден Шернур район администраций поро пашаш ушнаш ӱжыт. Марий поэт да киноактер, «Путевка в жизнь» икымше советский йӱкаҥдыме фильмыште Мустафан рольым модшо землякна Йыван Кырлалан Шернур поселкышто чапкӱм шогалтыме дене кылдалтше паша кок ий ончычак тӱҥалын. Але марте эртарыме кок концерт гыч оксам ты пашалан пыштыме. Ыштышаш сомыл эшеат шуко.

Тений 25 январьыште Шернур район администрацийын кӱштымашыже почеш Йыван Кырлалан чапкӱн проектшылан конкурсым увертарыме. Ты документ дене келшышын, чапкӱ пеҥгыде, кужу жаплан чытыше металл гыч велыме лийшаш. Чапкӱштӧ Йыван Кырлан капкылже ончыкталтшаш. Тидын годым комиссий вераҥдаш палемдыме кумдыкым шотыш налмым, проектын архитектур да художественный сынже дене кӱкшӧ улмыжым аклаш тӱҥалеш.

Конкурсыш кумылан кажне еҥ але усталык ушем ушнен кертыт. Тыгодым чын лӱмдам ончыктыман огыл. Йодмашым районысо культур пӧлкашке колтыман, тушкак йыҥгыртен, конкурс нерген рашрак пален налын кертыда. Адресше: Марий Эл, Шернур поселко Комсомольский урем, 2б пӧрт. Телефон номер: 8 (83633) 9-77-17.

Проектым 15 март марте налыт. Сеҥышым 18 мартыште увертарат. А кызытеш тиде поро пашаш ушнаш ӱжына да кумылан-влакым оксам тыгай реквизит почеш колташ йодына:

Получатель платежа МБУК «Сернурский музейно-выставочный комплекс»

л/с: 20086У69230

р/сч 0323464388640000800

к/сч 40102810545370000075

Банк: ОТДЕЛЕНИЕ – НБ РЕСПУБЛИКА МАРИЙ ЭЛ БАНКА РОССИИ//УФК по Республике Марий Эл г. Йошкар-Ола

КБК 00000000000000000180 (обязательный реквизит)

ИНН 1212005394

КПП 121201001

БИК 018860003

ОКТМО 88648151

ОГРН 1111226000027

Назначение платежа: Добровольное пожертвование для установки памятника Йывану Кырле.