Шорык
Тиде арнян утларак жапым тазалыкым пеҥгыдемдымылан ойырыман. Мӧҥгыштӧ эрыктыме, пашаште чылажымат шотыш кондымо сомылым шуктен кертыда. Ешан-влаклан пелаш дене икте-весе коклаште нелылыкым лукшо йодыш-влакым каҥашыман огыл.
Презе
Йӧратыме еҥ дене сыренда улмаш гын, кызыт сӧрасаш келшыше жап. Шкет улыда гын, тиде арнян корнышто але интернетыште оҥай еҥ дене палыме лийын кертыда. Шукырак жапым шкем вияҥдымылан, уш-акылым пойдарымылан ойырыман.
Йыгыр
Тыланда арня тӱҥалтыште утларак жапым мӧҥгысӧ сомыллан ойыраш темлалтеш. Кугурак ийготан лишыл еҥ-влак дене пырля иледа гын, нунылан тендан тӱткышда кӱлеш лиеш. Арнян кокымшо пелыштыже икшывыда-влак тургыжланымашым луктын кертыт.
Рак
Арня тӱҥалтыште те путырак нӧлталтше кумылан, пӱсӧ йылман, мыскараче койышан лийыда. Тыланда тиде жапыште еҥ-влак дене молгунамсе деч шукырак мутланымыда, унала миен толмыда шуаш тӱҥалеш. Тора огыл корныш тарванаш келшыше арня.
Лев
Шочмын да кушкыжмын шӱдыр-влак тыланда пӱтынь гаяк жапым пашалан пӧлеклаш темлат. Иммунитетда пеҥгыдемеш. Тиде амал дене кеч-могай чер авалташ тырша гынат, тудын деч писын утледа. Еҥ-влак дене ик ойыш шуаш нелырак лиеш.
Ӱдыр
Кӧн личный илышыже пытартыш жапыште куандарымым чарнен улмаш гын, кызыт шӱмбел дене икте-весе коклаште лекше нелылыкым куштылгын сеҥен кертыда. Тидлан эн чот те тыршышаш улыда. Шке койыш-шоктышдам сай велыш вашталтеда гын, кыл уэш ондакысе гай ныжыл лиеш.
Виса
Шӱдыр-влак арнян икымше пелыжым мӧҥгыштӧ эртараш темлат. Тыге ыштыме пашалан акым чынрак пуэн кертыда. Иктаж-кӧлан, эсогыл палыдыме еҥлан, полыш кӱлеш лиеш гын, тореш ида лий. Тыге те тудлан веле огыл полшеда, шкандан кумылдат нӧлталтеш.
Скорпион
Арнян икымше пелыштыже еҥ-влак дене утларак кылым ышташ кумыл лектеш. Адакшым тыге те палыме, родо, йолташ, пошкудо-шамыч нерген тӱрлӧ уверым пален налыда. Тыгодымак арня мучаште шке нерген манеш-манешым колыда да тиде кумылдам волта.
Пикшызе
Пашаште окса шотышто куанле арня лиеш. Тыланда премийым пуэн але вес семын палемден кертыт. Ача-ава дене кыл саемеш. Ончыкылан ыштыме планыш вашталтышым пурташ келшыше жап. Тыгодым южо пашам виеш писештараш тыршыман огыл.
Ирказа
Арня тӱҥалтыш тӱрлӧ вере тунемше ден шке семын шинчымашым пойдарыше-влаклан лектышан лиеш. Интернет гоч палыме лийме еҥ ончыкыжым тыланда чотак полшаш тӱҥалеш, очыни. Арня мучаште ала-кӧ дене кугу вурседылмаш марте шуын кертыда.
Вӱд йоктарыше
Тыланда тиде жапыште шкем ласкан кучаш, нигушко утыжым вашкыде илаш темлалтеш. Але марте ала-могай йодыш шотышто рашлык лийын огыл гын, кызыт тудын нерген шуко уверым пален налыда. Лӱмнерым волтымо деч шекланыза.
Кол
Тендам куанле арня вуча. Йӧратыме еҥда дене але марте сыренда улмаш гын, ынде икте-весе кокласе кылым пеҥгыдемден кертыда. Тидлан шӱмбелда шке койыш-шоктышыжым аклен ончалеш, йоҥылыш лиймыжым умыла да шкенжым утларак сайын кучаш тӱҥалеш, очыни.
Ӱпым пӱчкаш тарваненда гын
24 январь. Таче ӱпым пӱчкыда гын, вер гыч верыш кусараш лийдыме пого дене кылдалтше йодыш куштылгынрак рашемдалташ тӱҥалеш. Тыгодым уто нелытым погымо лӱдыкшӧ уло. Чиялтеда гын, оксада ешаралтеш, иктаж погым налыда.
25 январь. Тиде кечын ӱпым пӱчкыда гын, ӱдыр, ӱдырамаш-влакын рвезе, пӧръеҥ-шамыч дене кылышт ончыкыжым куандаренат, кумылыштым волтенат кертеш. Оксада ешаралтеш, тӱжвал сында моторрак лиеш. Чиялтеда гын, тазалыкда пеҥгыдемеш, но чонышто пусталык шижалташ тӱҥал кертеш.
26 январь. Ӱпым пӱчмылан кӧра иктаж чер авалта, очыни. Шемалге тӱсыш чиялтеда гын, коллективыштыда паша ушнаш тӱҥалеш.
27 январь. Ӱпым пӱчкаш келшыше кече. Молан манаш гын тылеч вара карьер тошкалтыш дене кӱзаш йӧн лектын, еҥ-влак дене кыл саем кертеш. Тыгодымак шинча пӱсылык начаремме лӱдыкшӧ уло. Ӱпым чиялтеда гын, еҥ-шамыч дене чӱчкыдын вурседылаш тӱҥалыда докан.
28 январь. Ӱпым пӱчкыда гын, пашаште лектышыш шуыда, коллеге да лишыл еҥ-влак дене кыл саемеш, илышыштыда кумылым нӧлтышӧ, пиалан событий-влак лийыт. Ӱп тӱс дене экспериментым эртараш келшыше кече.
29 январь. Ӱпым пӱчмӧ профессионал семын кушкаш полша. Тыгак тылеч вара кумылда нӧлталтеш, тазалык саемеш. Ӱпым чиялтеда гын, илышда куандараш тӱҥалеш, утларак пиалан лиеш.
30 январь. Таче ӱпым пӱчкыда гын, эшеат сӧралрак лийыда. Ӱпым чиялтыман огыл.
