Марий Элын ссузлаштыже тунемше-шамыч профессионал улмыштым ончыктеныт. Марий радиомеханический, Йошкар-Оласе строительно-промышленнный техникум-влакын, строительно-промышленный колледжын студентлашт шке профессийышт дене экзаменым кученыт. Сварщик-шамычын пашам ыштен моштымыштым Сварке шотышто квалификацийым тергыме рӱдерын экзамен площадкыштыже («Марисвар» ООО) тергеныт.
Нунын левыктен ушымо мастарлыкыштым (дуговой сварке) Профессионал квалификаций советын экспертше-влак онченыт. Нуно экзаменым кучышо кокла гыч 60 процентшылан квалифакцийым налме свидетельствым кучыктеныт. Тиде документ дене ссузын выпускникше-влак Российын кеч-могай предприятийышкыже пашаш пурен кертыт. Свидетельствым налше-шамыч Национальный (nark.ru/cert/detail ) ден Сваркым тергыше национальный агентствын (spks.naks.ru/cert/reestr_cert ) реестр спискышкышт пурталтыныт.
Л.ШАБДАРОВА.
