20 майыште Будапештыште кикбоксинг дене (К-1 раздел) Тӱнямбал кубокын финалже эртен. Тушто Марий Эл Республикна гычат Шернур ӱдыр (кызыт Чебоксарыште тунемеш) Полина Петухова (тренерже Сергей Шабердин) бойыш лектын. Полина Чехий гыч спортсменкым 3:0 счет дене сеҥен да Тӱнямбал классан спорт мастер нормативым шуктен. Палемдыман, тиде лӱмым тудлан 18 ийым темымекыже веле пуат.
А.Байкова.
(Фотом С.Шабердинын альбомжо гыч налме.)
