Мо, кушто, кунам?
***
Олимпийский резерв училищын воспитанникше Д.Ягодаров грек-рим кучедалмаш дене Юл кундем федерал округышто кумшо верым налын.
Тыге Медведево район гыч Дмитрийлан Российын первенствыштыже вийым тергаш корно почылтын. Тудыжо 2 апрельыште Хабаровскышто лиеш.
***
Ече дене тӱнямбал кубок верч таҥасымаш мучашлалтын. Тушто Российын чапшым Марий Эл гыч 23 ияш ечызе Екатерина Смирнова арален. Норвегийыште эртыше марафонышто марий ӱдыр 32-шо верыш лектын. Элнан сборный командыж гыч эн сай результатым Наталья Непряева ончыктен, визымше лийын.
– Тӱнямбал тургым иктешлалтын. Тидым умылтарен мошташ ок лий. Эреак тургыжланыме, – палемден шке блогыштыжо нойышо Екатерина.
***
17-21 мартыште Йошкар-Оласе «Спартак» ФОК-ышто бокс дене 15-16 ияш-влак коклаште Юл кундем федерал округын первенствыже эрта. Тушто 1-ше юношеский разрядым шуктышо да эшеат талырак спортсмен-влак вийыштым тергат.
Шке тўшкаштышт сеҥыше-шамыч Российын первенствыштыже таҥасат.
Е.ЭШКИНИНА
