Шорык
Тиде арнян коллетивыштыда кугу чап дене пайдаланаш тӱҥалыда. Кумылан-шамыч вес паша верыш куснен кертыт. Южыштлан кугурак должностьым темлат. Шӱдыр-влак весела мероприятийлашке шагалрак коштман манын шижтарат.
Презе
Пашам пырля ыштыше йолташда-влак дене кызыт вашкылда моткоч сай лиеш. Сандене иктаж неле йодыш тургыжландара гын, нуно тудым рашемдаш уло кумылын полшат. Такшым тиде арнян шуктымо кеч-могай сомылдат кӱлеш семын ворана.
Йыгыр
Нине кечылаште илышын чыла гаяк шӧрынжӧ тендам куандараш тӱҥалеш. Оксада ешаралтмылан кӧра шукертсек шонен коштмо ала-могай сатум налын кертыда. У еҥ-влак дене палыме лияш келшыше жап. Шкет улыда гын, шӱмбелым вашлийыда докан.
Рак
Кызыт тендан кумылдам иктаж-кушко миен толмо, пӱртӱсыш лекме нӧлталын кертыт. Чондам романтике шӱлыш авалта. Куанле уверым пален налаш ямде лийза. Ондакысе шӱм пелаш дене уэш кылым ышташ йӧн лектеш. Вес вере илаш куснен кертыда.
Лев
Тиде арнян документ дене пашам ышташ логалеш, сандене поснак тӱткӧ лияш темлалтеш. Лишыл еҥ-шамыч дене сырымашке шумо деч шекланыза, уке гын тиде умылыдымаш кужун шуйнен кертеш. Вучыдымо увер пландам вашталта, очыни.
Ӱдыр
Илышыштыда у йыжыҥым тӱҥалаш жап толын шуын. Паша дене кылдалтше у кылым ышташ уто огыл. Чыла тиде ончыкыжым кугу пайдам конден кертеш. Йӧратыме еҥда ден когыньдан кокласе кыл тӱрлӧ кырча-марчалан кӧра ынже локтылалт манын, тудлан шукырак жапым ойырыман.
Виса
Арнян икымше пелыштыже тендам ятыр вашлиймаш вуча. Южыжо йӧратымаш шижмаш дене кылдалтше лийыт. Тыгодым пашам пырля ыштыше йолташда-влак кокла гыч ала-кудыж дене умылыдымаш лекме лӱдыкшӧ уло, сандене шекланыза.
Скорпион
Йӧратыме еҥда дене вашкыл куандарыше лиеш. Тудо чыла йодмыдам шукташ тӱҥалеш. Шкет улыда гын, шӱм пелашым вашлийын кертыда. Илышда сай велыш вашталтеш. Тиде арнян шуко у еҥ дене палыме лийыда. Кугу сатум налаш келшыше жап.
Пикшызе
Нине кечылаште паша да мӧҥгӧ дене кылдалтше тӱрлӧ йодышым рашемдаш тӱҥалыда. Чылажат шонымо семын лиеш. Кугу кӱлешлык уке гын, мероприятийлашке ида ушно, корныш тарванашат огеш темлалт. Йӧратыме еҥлан тӱткышым утларак ойырыман.
Ирказа
Нине кечылаште корнышто але иктаж-кӧ деке унала мийыме годым шӱмбелдам вашлийын кертыда. Ончыкыжым тиде вашкыл мужыраҥме марте шукта, очыни. Тыгак ты арнян илышыштыда ала-мо шотышто кугу вашталтыш лиеш.
Вӱд йоктарыше
Тыланда шӱдыр-влак паша вердам шотыш кондаш, лийме семын вашталтышым пурташ темлат. Арнян кокымшо пелыштыже йолташ-шамыч дене умылыдымаш лектын кертеш. Каныш кечылам мӧҥгыштӧ лишыл да йӧратыме еҥ-влак дене эртареда гын, сайрак лиеш.
Кол
Тиде арнян шӱмбелда дене официально возалтын кертыда. Шкет еҥ-шамычын йӧратыме еҥыштым вашлияш йӧнышт лиеш. Тӱжвал сынышкыда вашталтышым пурташ, шкан шукырак жапым ойыраш темлалтеш. Тӱрыс налмаште тендам кумылым нӧлтышӧ арня вуча.
Ӱпым пӱчкаш тарваненда гын
20 май. Таче ӱпым пӱчкыда гын, тӱжвал сында эшеат мотор лиеш, пиал лишемеш. Тыгодым ӱпым чиялташ огеш темлалт.
21 май. Тиде кечын ӱпым пӱчкыда але чиялтеда гынат, оксада ешаралтеш.
22 май. Ӱпым пӱчмӧ деч вара тазалык тургыжландараш тӱҥал кертеш. Ӱпым шемалге тӱсыш чиялтеда гын, илышда сай велыш вашталтеш.
23 май. Ӱпым пӱчмеке, чонда гыч ласкалык йомеш. Ӱпым шемалге тӱсыш веле чиялташ келшен толеш.
24 май. Ӱпым пӱчкаш келшыше кече огыл, молан манаш гын тылеч вара пашаште тӱрлӧ чарак вашлиялташ тӱҥалме лӱдыкшӧ уло. Ӱпым ошалге да шӧртнялге тӱсыш гына чиялташ темлалтеш.
25 май. Тиде кечынат ӱпым пӱчман огыл, уке гын иктаж нелылык лектын кертеш. Ӱпым ошалге тда шӧртнялге тӱсыш веле чиялтыман.
26 май. Илышыште тӱрлӧ уда ынже лий манын, таче ӱпым пӱчман огыл. Могай тӱс кумылдам нӧлталмыла, пиалым лишемдаш полшымыла чучеш, тугайыш гына чиялтыман.
Л.Камалетдинова
Авторын фотожо
