КРИМИНАЛ

14 ийлан «петыреныт»

Россий ФСБ-н Марий Элысе управленийже Йошкар-Олаште илыше ик еҥын моткоч шуко наркотический средствам ужалаш тӧчымыжым пален налын.

Рашемын: тиде пӧръеҥ ужалаш чарыме веществам темлыше интернет-кевытын курьерже лийын да ик тӱшка еҥ-влак дене пырля «пашам ыштен». Нунын дене мутланен келшыме почеш, Медведево районысо чодыра кумдыкышто шылтен пыштыме вер гыч тудо 2,5 килограмм утла синтетический наркотикым налын да ужалаш шонен. Но «сомылжым» мучаш марте ыштен шуктен огыл – управленийын пашаеҥже-влак тудым кученыт.

Преступленийым ыштымыжлан Медведево районысо суд пӧръеҥым 14 ийлан эрык деч посна кодаш да пеҥгыде режиман колонийыш колташ пунчалым луктын. Приговор вийыш пурен, палдара Марий Элысе УФСБ-н пресс-службыжо.

Л.Камалетдинова

 

 

Опубликовать в Одноклассники

Добавить комментарий