Марий Элым вуйлатыше Юрий Зайцев республикысе икмыняр школ директорлан 13 у автобус деч сравочым кучыктен.
«Йоча-влаклан школыш кошташ йӧнан лийже манын, тунемме верлаште транспортым уэмдыме паша дене кылдалтше программым илышыш умбакыже шыҥдарена. Тиде ялысе калыклан кӱлеш. Пытартыш вич ийыште 176 автобусым налме, а кызыт – 13-ым, тыге эш\е 136 икшывылан школыш коштмо корныжым куштылемдена», – каласен регионым вуйлатыше.
Таче республикыштына 378 школ маршрут уло, нунын дене тунемме верыш 7509 йочам шупшыктат. Тиде йодышым Марий Эл правительстве контрольышто куча, йоча-влаклан йонан лийже манын, кӱлеш пашам шукта.
Марий Элым вуйлатышын пресс-службыжын материалже негызеш Галина Кожевникова ямдылен.
Денис Речкинын фотожо
