УВЕР ЙОГЫН

Российысе инвестиционный форумын пытарыш кечынже Дмитрий Медведев РФ субъект вуйлатыше-влак дене вашлийын. Тушто национальный да регионысо приоритетный проект-влак дене паша кузе ышталтме нерген мутланеныт.

РФ правительстве председательын мутшо почеш, чыла гаяк субъект-влак субсидийым пуымо шотышто, тыгак национальный проект-влакым илышыш шыҥдарышашлан кучемын федеральный органже-влак дене ойпидышым ыштеныт.

Марий Эл нерген ойлаш гын, нацпроект-влакым илышыш пурташ республикыште чылажат ышталтын – тудлан ямдылалтме паша мучашлалтын. Проект-влакым илышыш шыҥдарышашлан 6 ий жапыште 54 млрд. наре теҥге кучылталтшаш, тышеч 41,1 млрд. теҥгеже – федеральный бюджет гыч.

Форумышто лиймым иктешлыме семын Александр Евстифеев тыге палемден:

— Нине кечылаште Марий Эл деч делегаций 11 тӱрлӧ мероприятийыш ушнен. Тышкак вич ойпидышым ыштымым, икмыняр деловой вашлиймашым пурташ лиеш. Экономике велым республиклан чылажат пайдале да кӱлешан.

Л.Камалетдинова.

Опубликовать в Одноклассники

Добавить комментарий