Шорык
Шӱдыр-влак тиде арня ласка лиеш манын сӧрат. Келшен толдымо койышым ончыктымылан кӧра шке гына тудым ида локтыл, уке гын ончыкыжым йӧратыме еҥ дене кылым тӧрлаташ неле лиеш. Оксам сайын шонен кучылташ тыршыман.
Презе
Нине кечылаште еш дене кылдалтше шукертсе йодышым решатлаш логалеш, очыни. Чолгалыкым ончыкташ темлалтеш. Лишыл еҥ, йолташ-шамыч дене пырля пӱртӱсыш лектын але иктаж вес вере жапым иквереш эртарен кертыда.
Йыгыр
Тиде арнян тыланда ик верыште шинчыман огыл, а чолгарак лийман, чулымлыкым ончыктыман. Тыге у еҥ-влак дене палыме лийын кертыда. Нунын дене ыштыме вашкыл ончыкыжым чот кӱлешан да пайдале лиеш, очыни. Шкем ласкан кучыман.
Рак
Але марте ешыштыда умылыдымаш шижалтын гын, кызыт тудым кораҥдаш жап толын шуын. Лишыл еҥ-влаклан тӱткышым утларак ойыраш тыршыза. Ала-кӧлан полышда кӱлеш лиеш. У паша верым але должностьым темлен кертыт.
Лев
Паша дене кылдалтше вашлиймашым эртараш, ойпидышым ышташ келшыше жап. Весе-влакын чыла темлымашыштымак шотыш налман огыл. Мо пайдам конден кертмыла чучеш, тудым веле кучылтман. Иктаж-могай кугу сатум налыда.
Ӱдыр
Ты арнян усталык дене кылдалтше мастарлыкым ончыкташ келшен толеш. Тиде сӱретлымаш, мурымаш, куштымаш, кидпаша, поэзий алан да молат лийын кертыт. Весе-влакын ӱчашымашкышт ушныман огыл, уке гын тыландат «логалеш».
Виса
Шкем утыждене шылталаш, пӱрымашлан вуйым шияш огеш темлалт, уке гын тидлан кӧра лишыл еҥда-влак дене вурседылмашке шуын кертыда. Уна-влак вучыдымын толын лектыт, очыни. Но нунылан куаныме олмеш шыдешкеда веле докан.
Скорпион
Шӱдыр-влак тазалыклан кугурак тӱткышым ойыраш, тудым пеҥгыдемдаш тыршаш кӱлмӧ нерген ойлат. Иктаж-мо сай, куандарыше лийын кертме нерген мыняр шукырак шонаш тӱҥалыда, илышыштыда нуно тунар чӱчкыдынрак палдырнат.
Пикшызе
Тиде арнян шкем тыматлын кучыман, уке гын иктаж-кӧ дене вурседылаш тӱҥал кертыда. Шонымашке шуаш манын, чулымрак лийман. Тыгодым кокытеланымашым лукшо сомылыш ушныман огыл. Документ дене кылдалтше пашам шукташ сай жап.
Ирказа
Вий-куатда ташлыше лиеш. Тидын дене пайдаланаш да ончыч палемдыме пашадамат ыштен шукташ тыршыза. Йӧратыме еҥ дене кылда утыр пеҥгыдемеш. Тудо тендам вучыдымо пӧлек дене куандара, очыни. Икшыве-влак тургыжланымашым луктын кертыт.
Вӱд йоктарыше
Тиде арнян мӧҥгӧ дене кылдалтше сомылым шукташ, тудым утларак тӱзаташ тыршаш тӱҥалыда. Оксада ешаралтеш. Палыме лийме у еҥ-влак ончыкыжым ешартыш шийвундым ыштен налаш полшен кертыт. Тазалыклан тӱткышым ойырыман.
Кол
Нине кечылаште у еҥ-влак дене палыме лийыда. Ончыкыжым нуно тыланда ятыр шотышто полшат. Тыгодым шӱдыр-влак тиде арнян чот кӱлешан, пӱрымаш дене кылдалтше иктешлымашым ышташ, документыш кидпалым пышташ огыт темле.
Ӱпым пӱчкаш тарваненда гын
10 июнь. Таче ӱпым пӱчмӧ деч вара оксада ешаралтеш, иктаж-могай кугу сатум налыда. Ӱпым ошалге тӱсыш гына чиялташ темлалтеш.
11 июнь. Ӱпым пӱчмӧ тазалыкым пеҥгыдемдаш, уда деч утлаш полша. Ӱпым чиялтыман огыл, уке гын коллективыште тума тарванен кертеш.
12 июнь. Тиде кечын ӱпым пӱчманат, чиялтыманат огыл, молан манаш гын тазалык дене да пашаште нелылык лектын кертеш.
13 июнь. Таче ӱпым кӱчыкемдеда але чиялтеда гын, тазалыкда пеҥгыдемеш, илышда кужемеш.
14 июнь. Ӱпым пӱчкашат, чиялташат чаралтеш – иктаж-могай чер авалтен кертеш.
15 июнь. Тазалык тургыжландараш ынже тӱҥал манын шонеда гын, ӱпым ида пӱч. Ӱпым хна дене чиялташ утларак келшен толеш, молан манаш гын тылеч вара пашаште чапда кушкеш, иммунитетда пеҥгыдемеш.
16 июнь. Таче ӱпым пӱчмеке, уш-акылда ден интуицийда вияҥыт. Ӱпым шӧртнялге тӱсыш чиялтеда гын, оксада ешаралтеш.
Л.Камалетдинова
