Шорык
Тиде арнян окса йодыш тургыжландараш тӱҥалеш. Вучымо шийвундо кызыт огеш тол, сандене але марте мом налаш шонен пыштенда улмаш, тидым варараклан кодаш логалеш. У еҥ дене палыме лийыда. Тудак ончыкыжым ятыр шотышто чот полша.
Презе
Воктеныда улшо еҥ-влак тыланда чыла проститлаш ямде улыт гынат, кызыт нимом ончыде да шотыш налде ончыко каяш тыршыман огыл, уке гын нунын дене вурседылмашке шуын кертыда. У вургемым налза, вет каныш кечылаште оҥай вашлиймаш вуча.
Йыгыр
Ала-кӧ дене чот сыренда улмаш гын, тиде арнян сӧрасаш йӧн лектеш. Иктаж-кӧ унала толеш, тыланда пӧлекым кучыктат але пашаште сай уверым колыда. Йодыт гын, каныш кечылаште черланыше палымыда але родыда деке миен толаш тореш ида лий.
Рак
Ала-кӧ чонышкыда чотак «пижеш». Но йӧратыме еҥда уло гын, тыҥге-туҥге куржталаш ида тырше, вет тиде нимо сайышкат огеш шукто. Личный илышда пашалан чаракым ынже ыште. Тиде арнян шкендам ончыкташ йӧн лектеш.
Лев
Ты пагытыште кумылдам нимо гаяк волтен огеш керт. Мом ышташ шонен пыштеда, чыла гаяк илышыш пуртен кертыда. Лач оксагалташте шийвундо шагалрак улмо гына тургыжланымашым луктеш, очыни. Сандене улшыжымат аныклен кучылтса.
Ӱдыр
Илышда, пашада, моло нерген йодышташ йӧратыше еҥ-шамыч деч тиде арнян тораштырак лияш тыршыман. Пӧръеҥ-влак пашаштышт ала-мо шотышто чапланат. А ӱдырамаш-шамыч пӧръеҥ-влакын шинчашкышт чотак пернаш тӱҥалыт.
Виса
Тыланда ты арнян шкем нимо шотыштат весе-шамыч дене таҥастарыман огыл, уке гын тиде кумылдам волтен, кӧранымашым луктын кертеш. Кеч чынже дене амалже огеш лий гынат. Шӱдыр-влак кызыт тыланда отпускым налаш да шкетын каналташ темлат.
Скорпион
Тиде арнян оксам шукырак ыштен налаш йӧн лектеш. Тиде ешартыш паша але ончыкыжым шийвундым кондышо иктаж проект лийын кертеш. Оксам арымеш пуыман огыл. Тыгак чын улмыдам ӱчашен-ӱчашен палдараш ида тырше.
Пикшызе
Тиде арнян пашаште шкендам чотак ончыкташ тыршаш тӱҥалыда. Но тидлан верчын ноен, тыгак личный илышыштыда иктаж-мо шонымыда семын огыл лийын каен кертеш. Ешан улыда гын, вате-марий кокласе кылыш иктаж-мом уым пуртыман.
Ирказа
Тыланда тиде арнян пашаштат, личный илышыштат чотшак тургыжланаш огеш логал. Моло-влакым ӱшандарен кертме вийда кызыт ала-кушко йомеш. Тиде амал дене ты арнян калык ончылно выступатлыман, ешыште пӱчсӧ йодышым каҥашыман огыл.
Вӱд йоктарыше
Воктеныда мо ышталтеш, тыланда кызыт садиктак лиеш, молан манаш гын чоныштыда ласкалык озаланаш тӱҥалеш. Ешыштыда умылыдымаш лектеш, иктаж-кӧ дене вурседылмашке шуыда гынат, ниможымат чонышкыда лишке огыда нал.
Кол
Ты арнян тендан эн кугу шонымашда-влак шукталташ тӱҥалыт. Тидлан таушташ ида мондо. Воктеныда улшо еҥ-влак иктаж-мом келшыдымын ыштат гынат, простилыза. Ала-кӧ тыланда сай ой-каҥашым пуа да тыге илышыштыда уда лийме деч арален кодаш полша.
Ӱпым пӱчкаш тарваненда гын
10 апрель. Таче ӱпым пӱчкыда гын, чӱчкыдын сыраш, тӱрлӧ кырча-марчалан шыдешкаш тӱҥалыда. Ӱп дене экспериментым ыштен кертыда.
11 апрель. Тиде кечын ӱпым пӱчкыда гын, илышышкыда ала-мо у толеш, пашаште кӱкшытыш шуыда, оксада ешаралтеш.
12 апрель. Ӱпым пӱчмӧ шонымашке шуаш, неле пашамат куштылгын ышташ полша. Тыгодым уто нелылытым поген кертыда. Ӱпым кеч-могай тӱсыш чиялташ лиеш.
13 апрель. Ӱпым пӱчкаш але чиялташ шонеда гын, тидлан таче эн келшыше кече, молан манаш гын тӱжвал сында моторракын кояш тӱҥалеш, оксада ешаралтеш.
14 апрель. Ӱпым пӱчмылан кӧра ончыкыжым тӱрлӧ чер авалтен кертеш. Ӱп тӱсым вашталташат келшыше кече огыл.
15 апрель. Тачат ӱпым пӱчкашат, чиялташат вашкыман огыл, уке гын шинчада коршташ тӱҥалын, шинча пӱсылыкда начарем кертыт.
16 апрель. Тиде кечын ӱпым пӱчкыда гын, илышыштыда ятыр куанле тат лиеш, пиалан улмыдам шижыда. Ӱпым чиялташ огеш темлалт.
Л.Камалетдинова