ПАТЫРЛЫК Сеҥымаш СПОРТ ТАЗАЛЫК Чолгалык

Ӱшаным пуат

Июнь тӱҥалтыште Чебоксарыште куштылго атлетике дене 20 ияш марте ӱдыр-рвезе-влак коклаште ПФО-н чемпионатше ден первенствыже да самырык-влак коклаште V кеҥеж Спартакиадын 2-шо этапше эртеныт.

Землякна, тале куштылго атлет Людмила Лебедева 5000 метрыште Юл кундем федерал округын чемпионкыжо лийын. Ты кужытыштак 20 ияш марте куржталше-влак коклаште Анна Сашина 2-шо верыш лектын.

18 ияш марте тӱшкаште 100 метр кужытышто Денис Леухин 2-шо верым налын. Тудо тыгак Сергей Протасов, Сергей Ожиганов да Евгений Петухов дене пырля эстафетыште (4Х100 м.) бронзо призёр лийын. Республикнан рекордшым Евгения Валова шынден. Евгения, семиборьеште 4117 очком поген, 2-шо верым налын.

Куштылго атлетикыштат ӱдыр-рвезе-влак ончыкылыклан ӱшаным пуат. Нунылан сай результатым тыланена.

 

Ече-роллер

У корно ямде

Волжск олан мэрже Евгений Лебедев ече дене мунчалташ келыштарыме стадионышто лийын. Тушто ече-роллер дене кошташ трассе ямдылалтеш. Ты спорт объектым ышташ 12 миллион утла теҥге  ойыралтын.

Тудым «Тазалык» тротуар маныт. Тыге тудо спортсмен-влаклан кеҥежым тренироватлалташ да верысе калыклан каныш вер семын келыштаралтеш. «Приволжскдорстрой» субподрятчик АО-н еҥжын палемдымыж почеш, чыла паша шке жапыштыже шукталтшаш. 

Ече-роллерлан келыштарыме трассе – 1 километр кутышан.

Е.ЭШКИНИНА.      

Опубликовать в Одноклассники

Добавить комментарий