УВЕР ЙОГЫН

Ӱдыр-влакат ушненыт

3 ноябрьыште Шернур посёлкышто тренер-преподаватель И.Г.Кадыровым шарныме лӱмеш да «Шернур сырзавод» ЗАО-н призше верч вольный кучедалмаш дене республик кӱкшытан 9-ше открытый турнир эртен. 

Тушто кундемнан тӱрлӧ кундемже да Татарстан, Чуваш республикла, Киров ола гыч 128 участник 15 тӱшкаште вийжым терген.

– Марий кундем гыч шке нелытанышт-влак коклаште Роман Лебедев (38 кг), Максим Миронов (42 кг), Дмитрий Тимин (50 кг), Максим Иванов (54 кг), Егор Егоров (58 кг), Артём Ямбарцев (63 кг) ончыко лектыныт. Удыр-влак коклаште утларакше Озаҥ ола гыч толшо-шамыч сай результатым ончыктеныт. Таҥасымаш сай кӱкшытыштӧ эртен. Ончаш толшо-влакат залыште тичак лийыныт, – манеш организаторшамыч кокла гыч иктыже А.Шабдаров.

Вольный кучедалмаш дене черетан вес турнир 18 ноябрьыште Советский районышто лиеш.

Е.Эшкинина.  

 

Опубликовать в Одноклассники

Добавить комментарий