УВЕР ЙОГЫН

Яндар кугарняшкат ушнаш ӱжыт

Кодшо арня мучаште Йошкар-Ола мэрын икымше алмаштышыже Л.Покровский виктарыше компаний-влакын вуйлатышышт дене вашлийын.

Тудо ола кумдыкым эрыктен тӱзатыме шошо месячник эртыме жапыште виктарыше компаний-шамычлан лийме семын ты пашаш утларак еҥым ушаш да шуко пачашан пӧрт кудывечылам йытыраен, кӱлынак шотыш кондаш кӱштен. Лавыра дене леведалтше пеҥгыдемше лумым савыркален кышкыме, шулен лекше кумдыкым эрыктыме пашам терген шогаш пеҥгыдын йодын.

Субботник деч посна тений санитарный кугарня-влакат эртат. Ола администраций предприятий ден организаций-шамычым тушкат ушнанш ӱжеш.

Виктарыше компаний-влакын пуымо данныйышт почеш эртыше кугарнян 600 наре еҥ ола уремым эрыкташ лектын. Тушко администраций пашаеҥ-шамычат ушненыт.

Р.Чепакова.

Опубликовать в Одноклассники

Добавить комментарий