КАЛАСЕ, "МАРИЙ ЭЛ"

Юрист умылтара: Чодырасе кушкылым документ деч посна наҥгаяш лиеш?

Вес ий январь гыч пӱртӱсын койышыжлан кӧра локтылалтше чодырасе кушкылым нимогай документ деч посна шкалан наҥгаяш лийме нерген мут шоктен. Чын мо?

И.Виногоров.

Кужэҥер район.

Йодышлан Йошкар-Ола прокурорын алмаштыштыже Ильдус Алимов вашештен:

— Тений апрельыште Россий Федерацийын Чодыра кодексышкыже федеральный закон дене келшышын, вашталтышым пуртымо. Тудын почеш 2019 ий 1январь гыч пӱртӱс вийлан кӧра мландыш йӧрлшӧ кукшо пушеҥгым, вондерым да нунын ужашыштым (валежникым) граждан-влак тидлан штрафым тӱлыктат манын лӱдде поген кертыт. Древесный огыл чодыра поянлыклан, кудыжым Чодыра кодеск дене келшышын ямдылаш да погаш лиеш, шотлалтыт: валежник, пундыш, кумыж, пушеҥге ден вондер шӱм, оргаж, укшер, кож, нулго, пӱнчо укш, у ийлан ямдылыме кож да моло иман пушеҥге-влак, моко, чодыра мландыште кийыше шартыш, омыж, тростник да моло тыгайрак кушкыл.

 С.Носова ямдылен.

Опубликовать в Одноклассники

Добавить комментарий