Пошкудо ӱдырамашлан 85 ий темеш. А тудын эргыжлан — 60 ий. Садыже эре гаяк аракам йӱэш, аважым лӱдыктылеш, южгунам пушташат сӧра. Пачерышт гыч эре туманлымышт, кычкырлымышт шокта. Мом ышташат ом пале. Ала каҥашым пуэда?
С.Вахрушев.
Медведево район, Руэм посёлко.
Медведево районысо прокурорын полышкалышыже Владимир Поляков вашешта:
— Пошкудыдан эргыжын закон дене келшыдыме действийже РФ Уголовный кодексын 119- ше статяшкыже логалеш. Лачшымак тазалыклан кугу эҥгекым ыштыме шотышто лӱдыктымыжӧ ( чынжымак лийын гын). Тиде статья почеш тудым кок ий марте эрык деч посна коден кертыт. Тидын шотышто пошкудо ӱдырамаш закон дене келшышын, полицийын территориальный пӧлкашыже эрыгыжым уголовно мут кучаш шогалтыме шотышто йодмаш дене лекшаш.
С.Носова ямдылен.
