УВЕР ЙОГЫН

Юл кундемын открытый кубокшо верч таҥасымаште Марий Эл гыч участник-влак 15 медаль дене пӧртылыныт

Мотокросс дене Юл кундемын открытый кубокшо верч таҥасымаште Марий Эл гыч участник-влак 15 медаль дене пӧртылыныт. Ик эн ончылно Алексей Пережогин ден Олег Паренков лийыныт.  

Мотокросс Чувашийыште эртен. Участник-влак куд тӱшкаште вийым тергеныт.

– Эреак пьедесталыш огыт логал гынат, мемнан спортсмен-влак кӱкшӧ результатым ончыктат, – манеш Марий Эл мотоциклетный спорт федерацийын председательже В.Астраханцев. – Кажне этапыште путырак тале таҥасымашым ончыктат да койыш-шоктышыштым пеҥгыдемдат. Тура курыкыш кӱзаш, волаш, трамплиным сеҥен «чоҥештен» эрташ профессионализм, мастарлык, опыт, вий-куат кӱлыт. Тидын деч посна мотокроссмен-влак огыт лий. Мемнан республикын чапшым аралыше-шамычын чыла тидыже уло.

В.Астраханцевын палемдымыж почеш, пытартыш ийлаште спортын технический видшылан кумылаҥше-влак ешаралтыныт. Поснак – мотоспортлан. Тургым умбакыже шуйна, сандене оҥайже эше ончылно.

Е.Эшкинина.

Опубликовать в Одноклассники

Добавить комментарий