Полина Петухова
СПОРТ

Эше ик гана чемпион

Грозныйышто (Чечня Республик) кикбоксинг К-1 дене Российын чемпионатше ден первенствыже эртеныт. Тушто землячкына (Шернур район) Полина Петухова вийжым терген да Российын чемпионжо лийын, Европын первенствышкыже каяш корным почын.

Финалыш лекшашлан Ставрополь гыч спортсменке дене кучедалын. Полина 51,5 килограмм нелытан. Судья-шамычын кутырен келшымышт дене 52  килограмман-влак тўшка гыч тудым 56 килограмм-шамычыш кусареныт. Тушто марий ўдырын 7 соперницыже лийын.

Финалыште, тале бойышто, Полина Петухова 3:0 счёт дене ончыко лектын. Тыге тудым Российыште 56, тыгак 52 килограмм нелытан-влак коклаште эн тале спортсменке семын палемдыман.

Е.Эшкинина.         

Опубликовать в Одноклассники