УВЕР ЙОГЫН

«Эркын дене почылташ тӱҥалыт»

24 апрельыште Марий Элым вуйлатыше А.Евстифеев республикыштына у коронавирус инфекций шарлыме деч тымарте приниматлыме мере-влакым кораҥдаш тӱҥалме жап дене палдарен.
Ме палена, Россий Федераций президент Владимир Путин указыштыже пашам ыштыдыме кечылаште пашам ыштен кертше организаций-шамычым палемден. Тыгодымак, эпидемий ситуацийым аклен, регион-влакын кӱлешан мере-влакым шке семын пуртен кертмышт нерген ойлен. Нунын кокла гыч икмыняржым лишыл жапыште кораҥдат мо?
«Пеш шуко обращений пура. Ме тиде ситуацийым мониторитлена, но республикыште улшо черланыме динамике дене огыл, а черланыме чот да тачысе кечын динамикыж дене. Тӧрлатымаш-влакым апрельыштак ыштена, да нуно май тӱҥалтыш гыч вийыш пурат. Мутлан, кусарен шындаш ямдылыме кушкыл ден росотам ужалыше кевыт-влакым почаш кӱлеш. Нӧшмым ужалаш разрешенийым уже пуымо. Услуго сферымат пеш тӱткын ончена, моло отрасльымат шымлена. Нунын шотышто спискым ямдылена, молан манаш гын кажныже посна статусан да республикын экономикыжлан чот кӱлешан улыт. Сандене тӧрлатымаш-влак шымлалтыт, да лишыл жапыште вашмут лиеш», — манын Марий Элым вуйлатыше Александр Евстифеев.

Марий Элым вуйлатышын организаций да

аналитике виктемжын уверже негызеш М.ИВАНОВА ямдылен

Опубликовать в Одноклассники

Добавить комментарий