Теле троеборье дене Марий Элын чемпионатыштыже А.Лунник дене А.Козлова (ПГТУ-н студентше-влак) икымше верыш лектыныт.
Артём – 2018 ийыште вуз ден ссуз-влак коклаште полиатлон дене Российын чемпионатыштыже сеҥыше. Ончыч РМТ командын чапшым арален гын, кызыт – ПГТУ-н сборныйжыным. Ты гана тудо спортын кум видыштыже (пневматический винтовко гыч лӱйылтмаш, турникыште шкем нӧлтымаш, ече дене таҥасымаш) чыла участник коклаште эн шуко, 262 очком, поген.
Ӱдырамаш-влак коклаште Анастасия Козлова 257 очко дене икымше верым (4 минутышто – 93 гана отжиманий, лӱйылтмаште 100 гыч 91 балл) налын. Тӱҥ судья Т.Гильмутдиновын палемдымыж почеш, кок спортсменат сай результатым ончыктеныт, но тидын дене серлагаш ок лий, конкуренций кугу. Нунын деч посна эше индеш участник сайын таҥасен, сеҥыше-влак деч изишлан гына почеш кодын.
Команде-влак коклаште эн ончыко ПГТУ-н спорт клубшо, кокымшыш «Олимп» клуб (Морко), кумшо верыш МРМТ лектыныт.
Е.Эшкинина.
Палаш: 13-16 февральыште Ковровышто теле троеборье дене Российын первенствыже эртен. Тушто Марий Элын командыжат вийжым терген…
