СПОРТ

Эн сай команде

«Уличный красава» всероссийский футбол акцийыш (тудыжым «Молодёжка ОНФ» эртара) 20 август марте ушнаш лиеш.

Йодмашым налме  жапым шуеныт. Кудывечылаште футбол дене модаш йӧратыше-влак, шке командым поген, тыгай сайтыште регистрироватлалтын кертыт: уличныйкрасава.рф.

Таҥасымаште кумылан-шамыч кок тӱшкаште вийым тергат. Иктыштыже 14-15 ияш лийыт гын, вес тӱшкаште – 16-17 ияш-влак. Тыгай турнирыште профессионал команде-влак таҥасаш огыт тӱҥал. Командыште вич еҥ (эше кокыт – запасной) лийшаш.

Участник-влак ончыч муниципальный, вара региональный этапым эртат. Всероссийский акцийын финалже октябрьыште лиеш.

Е.ЭШКИНИНА

Опубликовать в Одноклассники

Добавить комментарий