РУШ ГЕОГРАФИЧЕСКИЙ ОБЩЕСТВЕ ДА «МОЯ ПЛАНЕТА» ТЕЛКАНАЛ «РОССИЙ МУЧКО ЭН САЙ ГИД» ВСЕРОССИЙСКИЙ КОНКУРСЫМ УВЕРТАРЕНЫТ.
Тӱрлӧ кундемым ончен кошташ йӧратеда? Шке кундемда нерген оҥай факт-влакым паледа? Шкендан регионын сылнылыкше дене ӧрдыж гыч толшо-влакым палдарыше маршутым ямдылен кертыда? Тугеже тиде конкурс тыланда. Мо тидлан кӱлеш? Руш йылме дене шкенан кундемдан тӱвыра илышыже але пӱртӱс поянлыкше нерген каласкалыше кок минут шуйнышо видеороликым ыштыман. Проектын участникше профессионалат але тыглай любителят лийын кертеш. Пашам икмыняр номинаций дене колташ лиеш:
Гид-профессионал.Тоштер.
Гид-профессионал. Ола.
Гид-профессионал. Проводник.
Гид-любитель.
Гид-любитель.18 ий марте.
Сеҥыше-влак «Моя планета» телеканалын геройжо лийыт. Нунын автор семын ыштыме фильмыштым уло эл ужеш. Кугурак ийготан гид-шамыч 100 тӱжем теҥге окса премийым налыт гын, «йоча» номнацийыште сеҥышылан профессиональный фотокамерым кучыктат.
Пашам 31 июль марте колтен шуктыман. Видеороликым файлообменникыш вераҥдыман да ончаш лийшын ыштыман. «В контакте» социальный группышто публикаций семын ончаш темлыман. Тыгак фильым ты социальный сетьыште шкендан группышкыда луктын пыштыман. Хештегыште «Лучший гид по России» манын ончыктыман. Тугеже налза кидышкыда мобильный телефоным але профессиональный камерым да конкурсыш ушныза.
С.Носова.
