УВЕР ЙОГЫН

Эн сайжым ойыреныт

Серафим Саровский лӱмеш фонд «Серафимовский туныктышо — 2018/2019» педагог-влакын конкурсышт иктешлалтын.

Организатор-влакын увертарымышт почеш, тений тушко чылаже 243 паша пурен. Ойырен налме турышто 282 еҥ участвоватлен. Жюрин иктешлымашыж почеш, «Серафимовский туныктышо» чап лӱмым Псков областьысе Печерский районын «Изборский посад» йоча православный лагерьын туныктышыжо Наталья Соколова сеҥен налын. Педагогике премийын лауреатше семын  23 еҥым палемденыт. Нунын коклаште Марий Эл гычат ик еҥ уло. Тиде — Марий кугыжаныш университетын психолого-педагогический факультетшын школ деч ончычсо да социальный педагогике кафедржын туныктышыжо, доцент Наталья Чалдышкина.

Тыгак 70 участникым кумылаҥдыше премий дене палемденыт. Нунын коклаш Медведево районысо Руш Кукмарий школын тӱҥалтыш класслаштыже туныктышо Вера Ельсукова логалын. А 9 туныктышылан посна премийым кучыктеныт. Ты радамыште Йошкар-Оласе 10-шо №-ан школ гыч да Марий политехнический лицей гыч туныктышо-влак улыт.  

С.Носова.

С. Пехметован фотожо.

Опубликовать в Одноклассники

Добавить комментарий