Марий Эл гыч ӱдырамаш «Миссис и леди Хрустальная корона мира — Россия — Европа — Вселенная 2019» конкурсышто сеҥен.
Конкурс 1 — 4 майыште Москваште эртен. Тушко марлан кайыше 20 ӱдырамаш ушнен. Нунын коклаште «Миссис Россия — Вселенная» титулым предприниматель, кок шочшан ава Ольга Поповалан кучыктеныт.
Тылеч посна тудо «Миссис бизнес-леди» да «Миссис национальный костюм» номинацийлаште сеҥен. Марий вургем дене сценыш лекмыжым жюри председатель Никас Софронов поснак палемден.
Ынде Ольга Попова Российын чапшым тӱнямбал конкурсышто аралаш тӱҥалеш. Но тудо кушто эрта – кызытеш раш пале огыл.
Л.Камалетдинова.
