КУЧЕМ УВЕР

Энергетик-влак вӱдшорлан ямде улыт

Марий Элым вуйлатыше Александр Евстифеев 3 апрельыште Рӱдӧ да Юл кундем  МРСК-н генеральный директоржын алмаштышыже — «Мариэнерго» филиалын директоржо Дмитрий Федоров дене  вашлийын мутланен. Нуно компанийын кызытсе паша лектышыжым да ончыкылык  задачыжым каҥашеныт. Вашлиймаште кундемын электросетевой комплексшым  вияҥдыме да энергетикын объектше-влакым уэмдыме  нерген мутланыме.  Тушто тыгак филиалын вӱдшор жапыште  пашам ышташ ямдылалт шумыж нерген мут лектын.

Теле эртен кайыш, ты жапыште те сайын пашам ыштенда.  Ончылно – вӱдшор. Мый палем: те ученийым эртаренда, тудо ончыкыжымат нимогай крылтыш деч посна пашам ыштен кертмыдам ӱшандарен ончыктен. Вӱдшор жапыште энергийым ситарен шогымаште  нимогай кӱрылтыш лийшаш огыл, тидыже республикын экономикыжланат, калыкланат пеш кӱлешан,  палемден Марий Элым вуйлатыше.

Рӱдӧ да Юл кундем  МРСК-н генеральный директоржын алмаштышыже — «Мариэнерго» филиалын директоржо Дмитрий Федоров шыже-теле жап технологический экшык деч посна эртыш манын каласен. Тудо электроэнергийым ситарен шогымаште кӱрылтыш лиймым 30 процентлан шагалемден кертмым таҥастарен лончылымо негызеш пеҥгыдемден ончыктен.

Ме электроэнергийым ситарен шогымаште кӱрылтыш лийме кокла жапым кӱчыкемденна. Кызыт тиде жап ик шагат нарыш погына. Тылеч посна потребительна-влакын электроэнергийым налын кертдыме жап  кӱчыкемын.  Мемнан дене 393 еҥ але 63 бригаде эреак дежуритла, кӱлеш лийме годым чыла ресурс да спецтехнике пашаш колталтеш. Чыла тидыже, тыгак ямдылалтме мероприятий-влак да системе почеш пашам ыштымаш шыже-теле жапым  кугу технологический  экшык деч посна илен лекташ полшеныт, каласен Дмитрий Федоров.

Штабной учений шошымсо вӱдшорлан  энергетик-влакын ямде улмыштым  пеҥгыдемден ончыктен.  Вӱд ташлыме жап шумылан кӧра энергетик-влак лӱдыкшыдымылык мерым шукташ  кӱлмым  республикысе калыклан ушештарат, каласен «Мариэнерго» филиалын директоржо.

 

Марий Эл Республикым  вуйлатышын организаций да аналитике виктемжын  уверже негызеш П.Шакиров ямдылен 

Опубликовать в Одноклассники

Добавить комментарий