Йоча да самырык-влакын пашашт шотышто регион-влак кокласе методике рӱдер Самырык-влакын пашашт шотышто федеральный агентстве да«Русский мир» фондын полшымышт дене «Моя гордость – Россия!» молодежный патриотический конкурсым эртара.
Тудо Волонтёрын идалыкшылан пӧлеклалтын. Тушко 35 ияш марте ӱдыр-рвезе-шамыч ушнен кертыт. Конкурсышто тыгай номинаций-влак лийыт: «Сочинений», «Сӱрет», «Фотографий», «Видеоролик», «Социальный плакат», «Сылнымут творчестве», «Журналистике», «Образований технологий», «Вич ияш марте икшыве-влакын патриот шӱлышан творчествышт».
Йодмашым 18 ноябрь марте www.kult24.ru сайтыште але Россий Тӱвыра министерствын «Единое информационное пространство сферы культуры» ден «Российын доброволецше» автоматизироватлыме увер системыште (АИС) пуэн кертыт. Ешартыш уверым конкурсым эртарышын сайтыштыже муаш лиеш. Тыгак 8 (391) 2313833 телефон номер дене йыҥгырташ, cultural.p@mail.ru электрон почтыш йодышым колташ йӧн уло.
Л.ШАБДАРОВА.
