1 апрельыште Марий Элыште пашам аралыме месячник тӱҥалын.
Пашан тӱнямбал организацийжын тӱҥалтышыж почеш кажне ийын 28 апрельыште Пашам аралыме тӱнямбал кечым палемдат. Тиде кечын тыгак производствышто колышо да травмым налше-влакымат шарналтат. Тений Пашам аралыме тӱнямбал кечын темыже – «Пашам да пашан ончыкылык сфержым аралымаш».
Месячник жапыште республикыштына кугыжаныш политикын пашам аралыме аланысе тӱҥ направленийже-влакым илышыш пурташ, организацийлаште пашам аралыме культурым нӧлталме шотышто мероприятий-шамычым эртараш, тыгак производствысо травматизм, профессиональный чер деч профилактике пашам чолгаҥдаш да пашам аралыме сферыште эн сай опыт-влакым ончыкташ палемдыме.
М.ИВАНОВА