Курыкмарий районысо Авасир ялыште у черке чоҥалтеш. Шукерте огыл черке вуйыш шӧртньо ыресан куполым вераҥденыт.
Ончыч тушто Михайло-Архангелский монастырь лийын. Ынде тудын олмышто Пресвятой Юмым шочыктышо Аван колымо гай мален колтымыжлан храм лиеш. Ӱлыл приделжым эмлызе святой Пантелеймон лӱмеш юмылтат. Оралтыжым нӧлтымӧ гынат, кӧргыжым ыштен шуктымо марте эше паша ситышын уло.
С.Носова