Республикысе районлашке лумым эрыкташ, моло коммунал пашам шукташ у специализироватлыме технике толаш тӱҥалын. Кодшо арнян У Торъял районышкат тыгай технике толын.
Нунын деч сравочым район администраций вуйлатыше Василий Блинов кучыктен.
Техникым «Обеспечение качественным жильем и услугами жилищно-коммунального хозяйства населения Республики Марий Эл на 2013-2025 годы» Марий Элын кугыжаныш программыж почеш Марий Элын социально-экономический вияҥмаш индивидуальный программе мероприятий-влакым илышыш пуртымо дене келшышын налме. Республикысе правительствын полшымыж дене У Торъял район муниципал администраций чылаже 8,7 млн. теҥгеаш кум тӱрлӧ техникым налын.
Л.КАМАЛЕТДИНОВА
