Кужэҥер районышто кажне ийын 4 ноябрьыште Калыкын чак чумыргымо да Марий автономийым ыштыме кече-влаклан пӧлеклалтше «Шыже сем» фестиваль эрта.
Тиде йӱла теният шукталтын. Кужэҥер районысо тӱвыра да каныме пӧртышкӧ эстраде мурым аклыше да йӧратыше-влак тич погыненыт. Район администраций вуйлатышым алмаштыше М.Ивановын пайрем дене шокшын саламлымыж деч вара культур программе тӱҥалын. Ты гана фестивальыште районысо веле огыл, вес кундем гыч толшо артист-влакат усталыкыштым тергеныт. Пайремым участник-влакым диплом да пӧлек дене палемден мучашленыт.
М.ИВАНОВА.