Россий Федерацийын Паша министерствыже 2018 ийлан каныш кече-влак шотышто документын проектшым ямдылен.
Тудын дене келшышын, у ий каникул 29 декабрь гыч 8 январь жаплан палемдалтын. Каныш кечылан шотлалтше 6 январьысе шуматкечым 9 мартыш кусарыме, 7 январьысе рушарням –2 майыш, 28 апрельысе шуматкечым – 30 апрельыш, 9 июньысо шуматкечым – 11 июньыш, а 29 декабрьысе шуматкечым – 31 декабрьыш.
Тыгеракын, 2018 ийыште калык у ий каникул деч посна эше февральыште 23 гыч 25 числа, мартыште 8 гыч 11 числа йотке, май пайремым 29 апрель гыч 2 май марте, июньышто 10 гыч 12 числа да ноябрьыште 3 гыч 5 числа марте кана.
Каныш кече-влакым кусарыме нерген пунчалын проектшым нормативный акт проект-влакын федеральный порталышкышт вераҥдыме. Тудым 3 июль гыч каҥашаш тӱҥалаш палемдыме.
М.ИВАНОВА.
