Кодшо кугарнян Республикысе коваште-венерологий диспансерыште Коваште ракым тӱҥалтыш йыжыҥыште рашемдыме кече эртен. Тудо Ракын тӱнямбал кечыжлан пӧлеклалтын.
Диспансерын врачше ден районласе рӱдӧ эмлымвер-шамычын дерматовенерологышт дерматоскоп полшымо дене 517 еҥым онченыт. Коваште рак манын, специалист-шамыч 16 пациентым онкологий службыш колтеныт, ты чот гыч кандаш еҥлан «меланомо» диагнозым шынденыт.
Тӱҥалтыш йыжыҥыштак рашемдаш гын, онкологий дене кылдалтше чыла черым эмлаш лиеш. Тидымак шотыш налын, диспансеризаций да акций годым тазалыкым тергашак кӱлеш.
М.ИВАНОВА.
