«Школыш тунемаш кайыме деч ончыч икшывын шинчымашыжым тергаш манын тестым эртарен кертыт мо?»
А.Назарова
Йошкар-Ола.
Йодыш-влаклан Марий Эл Республикысе исправительный учрежденийлаште законым шуктымым эскерыме шотышо Йошкар-Олан прокуроржо Евгений Молчанов вашештен.
— Школ тыгай тестированийым эртарен огеш керт. РФ Конституций ден федеральный закон-влак дене келшышын, школышто йоча-влак тӱҥалтыш, общий да кыдалаш образованийым яра налшаш улыт. Закон почешак школыш тунемаш налме условий-влак пеҥгыдемдалтыныт. А тыгай тестированийым эртарымаш законлан тореш кайымаш лиеш. Сандене образованийым налаш правам пудыртымылан административно мут кучаш шогалтен кертыт.
С.НОСОВА
