Юл кундем федерал округысо кычалше отряд-влакын «Иктат мондалтын огыл» слетышт Киров оласе Тврчестве портыштӧ эртен.
Тушко округысо регионла гыч 14 команде миен. Марий Эл гыч Марий кугыжаныш университетын «Воскресение» кычалше отрядше лийын. Кум кече жапыште конкрус тергымаш-влак эртеныт. Топографийым, архив пашам палымыштым, верыште ориентирым муын, икымше полышым пуэн моштымым ончыкташ кӱлын. Вара кажне команде Кугу Отечественный сар кайыме кундемлаш тений кеҥежым эртарыме экспедицийла гыч кондымо экспонат-влак дене палдарен.
Слётым мучашлыме торжественный мероприятийыште Юл кундем федерал округышто Россий президентын полномочный представительже Владимир Колчин ден регионысо правительстве председательын алмаштышыже Дмитрий Курдюмов, Кугыжаныш Думын депутатше Ильдар Бикбаев лийыныт.
Окружной слётын сеҥышыже-влакым Юл кундем федерал округышто Россий президентын полномочный представительжын дипломжо да шарнымашан пӧлек дене палемденыт. Марий Элын командыже нылымше верыш лектын. А тыгеже тудо «Кычалме викторине да ТБ» конкурсышто икымше лийын, а «Военно- исторический викторине» конкурсышто — кумшо.
С.НОСОВА.
Снимкыште: «Воскресение» кычалше отряд — слётын участникше.
