12 декабрьыште «Россий Федерацийын Конституцийжым палыме шотышто всероссийский тест» акций лиеш. Тудым «Гражданин» мер толкын эртара.
Тений тиде тест электрон йӧн дене эрташ тӱҥалеш. 12 ий деч кугурак ийготан да тушко ушнаш кумылан кажне еҥ акцийын официальный площадкылаштыже да «Гражданин» мер толкынын платформыштыжо онлайн формат дене РФ Конституций дене кылдалтше йодыш-влаклан вашештен да тидын шотышто шинчымашыжым терген кертеш. Тестлан йодыш-влакым ямдылаш кумдан палыме эксперт-влак полшеныт. Тиде акцийым актер, политик, журналист, юрист, блогер-влак да икмыняр молат сайлан шотленыт.
Л.КАМАЛЕТДИНОВА
