«Православный инициативе» тӱнямбал грант конкурсын полшымыж дене Йошкар-Оласе Православий историй тошер Т.Евсеев лӱмеш национальный тоштер дене пырля экскурсий бюром почын. Тудо марий епархийын «Елеон» экскурсий-паломник службыжын представительствышкыже савырна.
Бюром почмаште Т.Евсеев лӱмеш национальный тоштер директорын алмаштышыже Диана Ефремова, «Елеон» службын директоржо Григорий Михеев, паломник ден тыглай еҥ-влак лийыныт. Бюром торжественно почмаш деч вара «21 курымышто православный паломничество» мутланымаш эртен. Толшо-шамычым православный экскурсийонный программе дене палдареныт, буклет-влакым пуэденыт. Палемден кодыман, шкет коштшо турист-шамычланат йӧнан лийже манын, Йошкар-Оласе черкыла дене палдарыше лӱмын буклетым ямдыленыт.
С.Носова.
