22 июнь… 79 ий ончыч лач тиде кечын мемнан элышкына вучыдымын немыч тӱшка керылтын. Тиде датым калыкна нигунам огеш мондо, шӱмыштыжӧ да ушыштыжо курымеш арала.
Тиде кечын 4 шагат эрдене Морко посёлкысо Сеҥымаш паркыштат «Шарнымаш сорта» акцийым эртареныт.
Тушко районысо кучем вуйлатыше, ветеран-пограничник да кумылан еҥ-влак ушненыт. Нуно 1941-1945 ийлаште Кугу Отечественный сарыште вуйым пыштыше салтак-влак лӱмеш памятник ден Морко районышто шочын-кушшо да Совет Ушем Герой лӱмым налше-шамычлан пӧлеклалтше обелиск воктеке пеледыш аршашым пыштеныт
