УВЕР ЙОГЫН

«Шарнымаш сорта»

 

Ойганен шарныме кече вашеш мемнан элыште «Шарнымаш сорта» всероссийский акций эрта.

Уло Россий мучко, пычкемыш лиймеке, Кугу Отечественный сарын шучкыжым ужшо да илыш дене чеверласыше-влакым шарныме лӱмеш сортам чӱктат.

Карантинлан кӧра тений тиде акций онлайн-йӧн дене эрта. Сандене кажне кумылан еҥ деньпамяти.рф сайтыште 15 гыч 22 июнь гутлаште сортам чӱктен кертеш. Виртуальный сортан акше – 1 теҥге. А тиде оксаже Кугу Отечественный сарын ветеранже-шамычлан медицине полшым пуаш кая.

Акцийым «Память поколений» поро кумылым ончыктымо фонд эртара. Ты коммерческий огыл организаций боевой действийын ветеранже-шамычлан кӱкшо технологиян адресный полышым пуа. Тудо 2015 ий 22 июньышто ышталтын. Ты пагытыште организаций уло эл мучко илыше 15000 ветеранлан 1,7 милиард теҥгеаш полышым пуэн.

Акцийын тӱҥ шонымашыже – утларак вирутальный сортам ылыжташ. Тыге еҥ-влак Кугу Отечественный сарыште вуйым пыштыше-влакым веле огыл шарналтат, эшежым кызыт мемнан коклаште кодшыжлан полышым пуат. Организатор-влакын ойлымышт почеш, тыгай сорта тул – тиде шӱмын шарнымаш символжо: мыняр утларак сортам 22 июньышто чӱктена, тунар утларак еҥ « туа» мутым ойла, да тунар утларак еҥын шарнымаштыже сарын ветеранже-влак кодыт.

 С.Носова

Опубликовать в Одноклассники

Добавить комментарий