Ме кажныже яндар да лӱдыкшыдымӧ верыште илынена. А шонымаш шукталтше манын, кундемна дене кылдалтше чыла пашам жапыштыже шукташ кӱлеш.
Звенигово олаште тошто универмагын полатше аварийныйлан шотлалтеш. Тудын воктеч эртен каяш моткоч лӱдыкшӧ лийын: пудыргышо яндан строительный сеткыште кийыше пӱсӧ луклан ужашлажым ужын, вуйышкем гына волен ынже воч манын шоналтыме. Жап эртыме семын веле огыл, мардежын талынрак пуалмыжлан кӧрат сетке тыманмеш кушкедлен кертын, да мучыштышо янда пудырго полат воктеч эртен кайышым сусыртен сеҥен. Тидын шотышто мутланымашат, ӱчашымашат ятыр лийыныт, но, манмыла, воз верже гыч ала-молан нигузеат тарванен огыл…
Июль мучаште ВКонтакте социальный сетьысе «VanRim» группым вуйлатыше Рафиса Зартдинован тарватымыж почеш, олаште илыше самырык чолга еҥ-влак тиде лӱдыкшым кӱчык жапыште кораҥденыт да олан тиде ужашыжым лӱдыкшыдымыш савыреныт.
Лишыл жапыште самырык активист-шамыч Сеҥымаш паркыште субботникым эртараш, тыгак Звенигово олан икмыняр кумдыкшым шотыш кондаш палемденыт.
М.ИВАНОВА.
