Ксения Григорьева, самырык мурызо, Провой кундем Эсмекпляк культур пӧрт пеленысе «Олык сем» ансамбль вуйлатыше:
— Кок икшывем дене эр гыч кас марте жапна моткоч оҥайын эрта. Мом гына ме огына ыштыл?! Йочасадыш коштшо ӱдыремланат мӧҥгысӧ пашам ышташ пуат: лудына, возаш тунемына, сӱретлена, видео почеш куштена. Корнавирус шарлен кертмым чактараш манын, «Олык сем» ансамбльын участникше-влак дене тӱрлӧ соцкыл полшымо дене дистанционно манме йӧн дене пашам ыштена. Тиде неле пагытыште калыкым сай шонымашке лукташ тыршена, садлан лишыл жапыште онлайн йӧн дене концертымат эртараш шонымаш уло.
А.БАЙКОВА
